News Release

 Printable
 E-mail

Tiv Tauj: Alexandra Nseir, (202) 690-8121 Alexandra.Nseir@usda.gov

Tseem Tshuav Lub Sij Hawm Teb rau Cov Ntaub Ntawv Txheeb Cais Kev Ua Liaj Ua Teb Xyoo 2022

WASHINGTON, Lub Ob Hlis Ntuj Tim 15, 2023 – Cov neeg ua liaj ua teb thiab cov neeg yug tsiaj tseem muaj sij hawm los suav rau Cov Ntaub Ntawv Txheeb Cais Kev Ua Liaj Ua Teb Xyoo 2022, raws li Teb Chaws Meskas Feem Hauj Lwm Saib Xyuas Kev Ua Liaj Ua Teb (USDA) Lub Chaw Pab Cuam Kev Txheeb Cais Kev Ua Liaj Ua Teb Hauv Teb Chaws (NASS). Txawm hais tias lub sij hawm kawg rau kev xa daim ntawv txheeb cais nyuam qhuav dhau los xij, NASS tseem yuav lees txais daim ntawv nug ntsuam xyuas txog kev txheeb cais ua tiav mus txog lub caij nplooj ntoo hlav kom ntseeg tau tias txhua tus neeg ua liaj ua teb thiab cov neeg yug tsiaj tau txais txiaj ntsig los ntawm lub cib fim uas raug suav rau hauv cov ntaub ntawv siv tau yam dav.

Hubert Hamer Tus Thawj Tswj Hauv NASS tau hais tseg tias "Peb thov ua tsaug rau txhua tus neeg uas tau ua tiav lawv qhov kev suav txheeb cais txog hnub no. Txij li thaum sau cov ntaub ntawv pib lub caij nplooj zeeg dhau los, ntau tshaj li ib lab tus neeg tau txais kev suav pej xeem thoob plaws lub tebchaws tau xa rov qab lawv daim ntawv nug, xyuas kom lawv cov haujlwm thiab cov zej zog sawv cev". "Peb xav kom txhua tus neeg tsim khoom siv lawv lub suab los pab tsim lub neej yav tom ntej ntawm neeg Mekas kev ua liaj ua teb. Cov ntaub ntawv suav txheeb cais qhia txog kev txiav txim siab txog txoj cai, cov khoos kas kev ua liaj ua teb thiab kev tswj cia, kev tsim kho vaj tse thiab kev txhim kho cov chaw nyob deb nroog, kev tshawb fawb, kev kawm, thiab lwm yam ntxiv. Cov lus teb muaj lub hwj chim dua, cov ntaub ntawv muaj lub hwj chim dua. Nws tsis lig dhau rau cov neeg ua liaj ua teb los hais txog ntawm kev suav pej txheeb cais kev ua liaj ua teb, uas tshwm sim ib zaug txhua tsib xyoo."

NASS yuav txuas ntxiv soj taug qab nrog cov neeg tsim khoom thaum lub caij nplooj ntoo hlav nrog kev xa ntawv, hu xov tooj, thiab mus ntsib kiag ntawm tus kheej. Cov neeg ua liaj ua teb thiab cov neeg yug tsiaj tau txais kev txhawb kom ua tiav lawv cov kev suav txheeb cais hauv online ntawm agcounts.usda.govlos sis xa ntawv kom sai li sai tau. Daim ntawv nug ntsuam xyuas hauv online tuaj yeem siv tau ntawm khoos phis tawm txawb, khoos phis tawj nqa ntawm tes, thiab lwm yam khoom siv hauv xov tooj.

Tsoom fwv teb chaws txoj cai lij choj raws li Nqe 7 USC 2204(g) Pej Xeem Txoj Cai Lij Choj 105-113 xaj kom txhua tus neeg uas tau txais daim ntawv nug ntsuam Kev Suav Txheeb Cais Kev Ua Liaj Ua Teb Xyoo 2022 ua kom tiav thiab xa rov qab, txawm tias tam sim no lawv tsis ua liaj ua teb los xij. Tib txoj cai lij choj xav kom NASS khaws txhua cov kev xa tawm kom tsis pub lwm tus paub, siv cov ntaub ntawv rau lub hom phiaj kev txheeb cais nkaus xwb, thiab tshaj tawm cov ntaub ntawv sib sau los tiv thaiv kev nthuav tawm tus kheej ntawm ib tus neeg tsim khoom los sis ib qho kev ua liaj ua teb twg.

NASS yuav tshaj tawm cov txiaj ntsig ntawm kev suav txheeb cais kev ua liaj ua teb thaum pib hauv xyoo 2024. Yog xav paub ntxiv txog kev suav pej xeem ntawm Cov Ntaub Ntawv Txheeb Cais Kev Ua Liaj Ua Teb, mus saib agcounts.usda.gov. Hauv lub vev xaib, cov neeg tsim khoom thiab lwm tus neeg siv cov ntaub ntawv tuaj yeem nkag mus rau cov lus kheev nug, cov ntaub ntawv suav txheeb cais kev ua liaj ua teb yav dhau los, cov ntaub ntawv kawm tshwj xeeb, thiab ntau yam ntxiv. Rau qhov tseem ceeb ntawm cov no thiab cov ntaub ntawv hloov kho tshiab tshaj plaws, ua raws USDA NASS ntawm Twitter ntawm @usda_nass.

###

NASS is the federal statistical agency responsible for producing official data about U.S. agriculture and is committed to providing timely, accurate and useful statistics in service to U.S. agriculture.

USDA is an equal opportunity provider, employer and lender. To file a complaint of discrimination, write to USDA, Assistant Secretary for Civil Rights, Office of the Assistant Secretary for Civil Rights, 1400 Independence Avenue, S.W., Stop 9410, Washington, DC 20250-9410, or call toll-free at (866) 632-9992 (English) or (800) 877-8339 (TDD) or (866) 377-8642 (English Federal-relay) or (800) 845-6136 (Spanish Federal-relay).